Համագործակցություն ու վստահություն

  Ժամանակակից աշխարհի ամենաարժեքավոր ռեսուրսներից մեկը կապերն են՝ մարդկային հարաբերությունները, համագործակցային շրջանակները և վստահության վրա հիմնված փոխկապակցվածությունը։ Անկախ նրանից՝ խոսքը անձնական, ուսումնական թե աշխատանքային հարաբերությունների մասին է, ճիշտ ձևավորված կապերը բացում են դռներ, որոնք միայնակ հնարավոր չէ բացել։ 

  Կապերը մեզ տալիս են ոչ միայն աջակցության, այլև զարգացման հնարավորություն։ Երբ մենք շրջապատված ենք մարդկանցով, որոնք մեզ ոգեշնչում են, աջակցում ու աճելու մարտահրավեր նետում, մենք դառնում ենք ավելի ինքնավստահ, նախաձեռնող ու նպատակասլաց։ Բիզնեսում, կրթության մեջ, ստեղծագործական նախագծերում համագործակցությունը խթանում է նոր գաղափարների ստեղծումը և դրանց կյանքի կոչումը։ 

  Սակայն կապերը պահանջում են ներդրում՝ ժամանակ, ուշադրություն և անկեղծություն։ Ճիշտ է, թվային աշխարհը հեշտացրել է շփումները, սակայն իրական կապերը չեն ձևավորվում միայն like-երով կամ emoji-ներով։ Դրանք գալիս են վստահության, փոխադարձ հարգանքի և շարունակական ներգրավվածության արդյունքում։ 

  Այսօր, երբ հաճախ մեկուսացված ենք մեր առօրյա արագության ու թվային բաբելոնի մեջ, հատկապես կարևոր է վերարժևորել մարդկային կապերը։ Սովորող երեխաների, աշխատող մեծահասակների և ցանկացած համայնքի հաջողության գրավականներից մեկն է՝ լինել կապի մեջ, լսել, հասկանալ ու կառուցել։ Կապերը չեն սահմանափակում մեզ։ Դրանք մեր թևերն են, երբ պետք է բարձրանալ։

Հոդվածի հեղինակ՝ Գոհար Ղազարյան, գրասենյակի ղեկավար