Կապերի կարևորությունը

  Մեր կյանքը հիմնված է փոխադարձ կապերի վրա։ Սոցիալական հարաբերությունները մշտապես օգնում են բոլորիս զարգանալ թե՛ որպես անհատներ, և թե´ որպես մասնագետներ։ Կապերը բացում են բազում դռներ նոր հնարավորությունների, գիտելիքների և ինքնազարգացման համար։ Անգամ ամենաբարձր մասնագիտական հմտություններն ու գիտելիքները կարող են մնալ ստվերում, եթե չունեք ուժեղ և կայուն կապերի համակարգ։ 

  Ամուր և փոխշահավետ կապերը նպաստում են վստահության մթնոլորտի ստեղծմանը, ինչը անփոխարինելի է ինչպես աշխատանքային, այնպես էլ անձնական միջավայրում։ Աշխատանքային ոլորտում կապերը կարող են հանգեցնել կարիերայի արագ զարգացման, նոր համագործակցությունների, իսկ երբեմն՝ նույնիսկ կյանքը կտրուկ փոփոխող հնարավորությունների։ Իսկ արդեն անձնական կյանքում, փոխադարձ աջակցությունն ու հարգանքը բերում են հոգեբանական կայունության և երջանկության։ 
  Այսօր, գլոբալիզացման և թվային տեխնոլոգիաների արագ զարգացման պայմաններում, կապեր ստեղծելու հնարավորությունները զգալիորեն ընդլայնվել են։ Սակայն նույնքան կարևոր է ոչ միայն նոր կապեր հաստատելը, այլ նաև արդեն գոյություն ունեցող հարաբերությունների պահպանումը և ամրապնդումը։ Արժեքավոր կապերը չեն ստեղծվում ակնթարթորեն․ դրանք պահանջում են ժամանակ, ուշադրություն, անկեղծություն և նվիրվածություն։ 

  Որպես եզրակացություն կարելի է ասել, որ կապերն այն ամուր և անփոխարինելի հիմքն են, որի վրա կառուցվում է մեր ապագան։ Անձնային և մասնագիտական աճը հնարավոր է միայն այն դեպքում, երբ շրջապատված ես ճիշտ մարդկանցով, համագործակցելով և միմյանց աջակցելով և հասկանալով։ Ուժեղ կապերը մեզ օգնում են դառնալ ավելի ինքնավստահ՝ բացահայտելով մեր մեջ թաքնված այն ներուժը, որը միայնակ գործելու դեպքում ի հայտ չէր գա։ Ի վերջո ՝ ինքնուրույն գործելը, սեփական ոտքերի վրա ինքնուրույն կանգնելը հրաշալի է, սակայն դա անհնար կլիներ, եթե չլինեին մարդիկ, ովքեր հավատում են Ձեր ուժերին, մոտիվացնում և մշտապես աջակցում են Ձեզ։ Երբեք բաց մի թողեք նոր կապեր ստեղծելու հնարավորությունը, քանզի ամենաանսպասելի հանդիպումներն անգամ կարող են Ձեր կյանքում և կարիերայում շրջադարձային լինել։ Միգուցե այն անծանոթը, ում հանդիպել եք որևէ կոնֆերանսի, դասընթացի, կամ ցանկացած այլ միջավայրում Ձեր ապագա գործատուն է, կամ այն մարդը, ով մեծ ազդեցություն կունենա Ձեր ապագայի վրա։ 

Հոդվածի հեղինակ՝ Լյուսի Խաչատրյան, անգլերենի ուսուցիչ