Մի’ արա այս սխալները

Դասավանդելը  հատկապես մեծահասակ օտարերկրացիներին պահանջում է զգայունություն, համբերություն և հստակ մանկավարժական մոտեցում։ Այդ լսարանը տարբերվում է թե՛ ուսուցման նպատակներով, թե՛ սովորելու մոտիվացիայով և դժվարություններով։ Ստորև ներկայացնում ենք այն սխալները, որոնցից խորհուրդ է տրվում խուսափել՝ արդյունավետ և կառուցղական կրթական գործընթաց ապահովելու համար։

1. Մի՛ ենթադրիր, որ մեծահասակ լինելը նշանակում է հեշտ սովորել։

   Ի տարբերություն երիտասարդների՝ բարձր տարիքի մարդիկ հաճախ ունեն հիշողության, կենտրոնացման կամ լսողության որոշ սահմանափակումներ։ Դա չի նշանակում, որ նրանք չեն կարող սովորել, բայց պահանջում է ավելի դանդաղ, կրկնողական ու մանրամասն  մոտեցում։

2. Մի՛ խոսիր նրանց հետ մանկավարժական տոնով։

Մեծահասակ սովորողները ունեն հարուստ փորձ, արժեհամակարգ ու ինքնուրույնություն։ Նրանց հետ խոսել մանկական կամ խիստ ուղղիչ տոնով՝ վիրավորական է և հակամոտիվացնող։ Ակնհայտ դարձրու, որ գնահատում ես նրանց ջանքերն ու փորձը։ Ստեղծիր նրանց հետ ընկերական հարաբերությունների միջավայր, որպեսզի նրանք իրենց ավելի ինքնավստահ զգան։

3. Մի՛ անտեսիր մշակութային տարբերությունները։

Օտարերկրացիները գալիս են տարբեր մշակույթներից, որտեղ խոսքի ձևերը, հաղորդակցության ոճը կամ սովորելու կերպը կարող են խիստ տարբերվել։ Մեկ խոսք, որը տեղին է մեկ մշակույթում, կարող է վիրավորական լինել մյուսում։ Ուսուցիչը պետք է մշտապես զգոն լինի այս հարցում։

4. Մի՛ ենթադրիր, որ բոլորն ունեն նույն տեխնոլոգիական կարողությունները։

           Բարձր տարիքի սովորողները դժվարանում են օգտվել առցանց հարթակներից կամ հաճախ պարզագույն ծրագրերից։ Եթե դասը տեխնոլոգիայով հագեցած է, ապահովիր համապատասխան աջակցություն և պարզություն։

5. Մի՛ կորցրու համբերությունդ՝ երբ առաջընթացը դանդաղ է։

          Սովորելու տեմպը տարբեր է բոլորի համար, իսկ տարեց ուսանողների մոտ այն հաճախ ավելի դանդաղ է լինում։ Բայց դա չի նշանակում, որ առաջընթաց չկա։ Փոքր քայլերը, երբ արժեվորվում են, վերածվում են վստահության։