Սահմանները կյանքում և աշխատանքում

  Ժամանակակից աշխարհի արագ տեմպերն ու բազմաբնույթ պահանջները ստիպում են մարդկանց մշտապես ճկուն լինել ու տարբեր դերերում հանդես գալ։ Այդ պատճառով էլ սահմանների ձևավորումն ու պահպանումը ինչպես անձնական կյանքում, այնպես էլ աշխատանքային միջավայրում, դարձել են հոգեբանական և գործնական կարևոր հմտություններ։

  Սահմանները օգնում են պահպանել ներքին հավասարակշռությունը, կանխել հյուծվածությունն ու մասնագիտական այրումը։ Աշխատավայրում դրանք դրսևորվում են որպես հստակ դերաբաժանում, հարգանք աշխատանքային ժամերի նկատմամբ և անձնական տարածքի պահպանում։ Երբ աշխատակիցն ունի սահմաններ, նա կարողանում է արդյունավետ համագործակցել առանց ինքնամոռաց նվիրումի, որն ի վերջո կարող է վնասել թե՛ նրան, թե՛ կազմակերպությանը։ 

  Անձնական կյանքում սահմանները խթանում են առողջ փոխհարաբերությունները՝ հիմնված փոխադարձ հարգանքի և պատասխանատվության վրա։ Երբ մարդը կարողանում է ասել «ոչ», բացատրել իր կարիքները և լսել դիմացինին, հարաբերություններն ավելի կայուն ու ազնիվ են լինում։ 

  Երբ սահմանները մթագնում են, ի հայտ են գալիս լարվածություն, դժգոհություն ու ինքնահյուծում։ Հետևաբար, սահմաններ սահմանելը ոչ թե էգոյի դրսևորում է, այլ ինքնապահպանման և առողջ հարաբերությունների հիմք։ Վերջիվերջո, հստակ սահմանները կյանքը դարձնում են ներդաշնակ, աշխատանքը՝ արդյունավետ, իսկ մարդուն՝ հոգեպես կայուն։

Հոդվածի հեղինակ՝ Գոհար Ղազարյան, Big Mind Kids զարգացման կենտրոնի գրասենյակի ղեկավար