Ճիշտ պահին ճիշտ տեղում

  Յուրաքանչյուրի կյանքում լինում է շրջան, երբ կրթական և մասնագիտական հնարավորությունները համընկնում են մարդու պատրաստակամության և ձգտումների հետ: Այսպիսի պահերը հաճախ են որոշիչ դառնում կարիերայի աճի և ինքնազարգացման համար: Սակայն ինչպե՞ս հայտնվել «ճիշտ պահին ճիշտ տեղում» և օգտվել այս հնարավորություններից:           

  Մասնագիտական աճի առաջին քայլը սեփական ուժեղ և թույլ կողմերի գիտակցումն է: Կարևոր է հասկանալ, թե ինչ եք ուզում, որոնք են ձեր նպատակները և ինչպիսի ուղի պետք է անցնեք դրանց հասնելու համար: Սա թույլ կտա կողմնորոշվել մասնագիտական զարգացման ճիշտ ուղղությամբ: Այս նպատակին հասնելու համար պետք է գրել ձեր ուժեղ ու թույլ կողմերը, հստակեցնել կարճաժամկետ և երկարաժամկետ նպատակները, ինչպես նաև հետևել ձեր առաջընթացին, վերանայել նպատակներն ըստ անհրաժեշտության:   Ժամանակակից աշխարհում կրթությունն անընդհատ զարգացման հնարավորություն է տալիս: Թե՛ ֆորմալ, թե՛ ոչ ֆորմալ կրթական ծրագրերը մեծ նշանակություն ունեն մասնագիտական աճի համար: Այս հնարավորություններից առավելագույնս օգտվելու համար անհրաժեշտ է հետևել նոր կրթական հնարավորություններին, մասնակցել վերապատրաստումների և դասընթացներ  Աշխատաշուկան և մասնագիտական ոլորտները անընդհատ փոփոխվում են, որոնք  պահանջում է նոր հմտություններ և ճկունություն՝ նոր պայմաններին ադապտացվելու համար: Կարևոր է ընդունել փոփոխությունները որպես նոր հնարավորություններ, շարունակաբար սովորել և զարգանալ, բաց լինել նորարարական մոտեցումների և գործիքների հանդեպ:    
Կարիերայի աճի կարևոր մասն է ճիշտ պահին ճիշտ որոշումներ կայացնելը: Երբեմն պետք է ռիսկի դիմել, երբեմն՝ համբերել, սակայն կարևորը հասկանալ, թե երբ ինչ քայլ կատարել: Որպեսզի այս գործընթացը լինի առավել արդյունավետ, անհրաժեշտ է վերլուծել առկա հնարավորությունները, խորհրդակցել մասնագետների հետ և հավասարակշռել ռիսկերը և հնարավորությունները:

  Մասնագիտական կապերն օգնում են ոչ միայն հնարավորություններ ստեղծել, այլև ճիշտ ժամանակին հայտնվել ճիշտ միջավայրում: Դրա համար պետք է մասնակցել մասնագիտական միջոցառումների, ստեղծել և պահպանել օգտակար կապեր, ինչպես նաև ձևավորել գործընկերային հարաբերություններ: 

  «Ճիշտ պահին ճիշտ տեղում» հայտնվելու համար անհրաժեշտ է աշխատել, ինքնակրթվել, լինել նախաձեռնող և միշտ բաց նոր հնարավորությունների համար: Մասնագիտական աճն ու հաջողությունը կախված են ոչ միայն արտաքին գործոններից, այլև մեր պատրաստակամությունից և քրտնաջան աշխատանքից:

Հոդվածի հեղինակ՝ Մարիամ Աբրահամյան, գրասենյակի ղեկավար